2010/11/09

لاتبتسم انا مواطن كويتي

أنا مواطن كويتي أحب الكويت أكثر من أي شيء آخر اكثر من حب تمسك حكومتنا بالمنصب على الرغم من فشلها ودخولها كتاب غينيس بأكثر حكومة أستجوبت وأحب مواصلة أصدقائي بالرسائل القصيرة أكثر من النائب سيد القلاف وأحرص على الحديث باللهجة الكويتية وعدم قط البدليات أكثر من النائبة رولا دشتي كما لا احب الظهور الإعلامي اكثر من عائشة الرشيد ولا احب إثارة الفتن وضرب نسيج الوحدة الوطنية أكثر من جريدة الناقلات ولا احب النفاق كما يفعل رؤساء تحرير الصحف المطبوعة والذين لاتهمهم مصالحهم الشخصية ولا أحب الصفقات السياسية مثل إستجواب الدويسان ولا أحب الهدايا مثل كتاب الصحف وخاصة فؤاد الهاشم الذي يرفض هدايا مبارك الخرينج كأسبوع سياحة بشرم الشيخ ولا الميزراتي التي رفضها ولد الحلاق نبولي من ولد ميري كما لا احب ان أتحرش بالمسؤول الكبير لأنه وايد يخرع ويرفع قضايا وآنا بروحي مو ناقص لأن الدور الاول كلهم صاروا ربعي
بصراحه محتار ودي أسوي جمعية نفع عام تختص بالاقتصاد عشان يعطوني مليونين مثل رولا أو أسوي مظلة عمل كويتية بس مو مالت مواقف سيارات عشان يدعمني الخرافي نفس بن طفلة ولا ليش ما أسوي اتحاد يعني ترى عندي وايد ربع ونقدر نسوي اعتصام مثل السميط ويدهنون سيري ولا جمعية دينية وأشوف أي واحد فاسق وياكثرهم مثل رفيجي رد واين ولا اعلامي واهجم عليهم واطالب بتغيير المناهج لأنه خرجت رد واين واعلامي وخربتهم
لازم اشوفلي مشروع ناجح يدر علي فلوس بسرعة بس لقيتها اسوي بروشرات واوزعها على مواقف السيارات بالمباركية واقول انا وايد وطني واحب حكومتي الاصلاحية بس فشله راح يكشفوني لان الاصلاح مفارج ويها عيل مافيه الا أشوفلي تاجر وأطيح بديوانيته وامدحه يوابتعد عن السياسة واقعد على السيف وشلي بالبحر واهواله

هناك تعليقان (2):

خااالف تعرف يقول...

العزيز لبرالي

شوف لك قضية ووقف مع طرف ضد طرف

ويمدحون ملف الغرفة زين مردوده

ليبرالي يقول...

حاضر البوست القادم