ظاهرة زايد الزيد الإعلامية والتباكي على الحرية وذرف الدموع وما إن هدأت العاصفة حان وقت السؤال وين رايحين على قولة محمد الجاسم وعلى شنو هالأكشن وغترته ملطخة بالدماء وتجمهر بساحة الإرادة ونواب يستنكرون وسب بخفافيش الظلام والله كسروا خاطري هالخفافيش الكل يسبهم
تعرفون مثل كويتي يقول زلقة بطيحة بالضبط هذا ماحصل مع زايد الزيد بصراحه تفاصيل الحادث عندي بس ماراح أكتبها إكراما لعين من طلبني بس صدقوني باجر راح تعرفون الجاني وقصته وراح تموتون من الضحك
من الآخر السالفة طلعت فلم ينافس أفلام بوليوود الهندية مثل البطل إلي يمسك الطيارة وهو راكب خيل والثاني ينفخ بالبحر يصير في إعصار يغرق مدينة والثالث زايد الزيد ينطق ويصير بطل سياسي
سؤال وايد وايد بريء
لو إلي انطق النائب محمد هايف أو سيد القلاف تهقون يصير نفس الفلم ولا يتغير السيناريو
فلاشات وردود
الزميل العزيز خالد الجاسم كتب في صفحته بالفيس بوك تبي تستانس ويقولون عنك شريف ويطلعون بيانات وتصريحات وتصير رمز وطني نفس الجوعان والنيباري ويمشي سوق حزبك إلي محد درى عنه ماعليك إلا تدور واحد متعافي ويصنك على خشمك بس ينزل دمك تصير بطل قومي والناس تسب الحكومة وصورك تترس الصحف
خوش فكره يابووليد ليش لا ويمكن باجر يعطوني منصب ولا أنزل انتخابات ويمشي سوقي
حفل استقبال وتكريم لعضو المكتب التنفيذي للمظلة وناشر تحرير جريدة الآن الالكترونية الأستاذ زايد الزيد بمناسبة نجاته من محاولة الإعتداء الآثم وخروجه معافى من المستشفى
خلاص يعني الجوعان والنيباري طاح سوقهم وبدأ زمن الإسكافي قصدي بوطلال
الزيد رفض تسليم هاتفه لوزارة الداخلية بهدف عدم الكشف عن ماهية المتصل الأخير به قبل حصول الإعتداء
بسيطه يطلع بصوره ويسلم هاتفه للداخلية ليش معصبين وعلى فكره ترى الفلم خلص والسينما طفوا الإضاءة خلاص داهم حبيبي روح بيتكم إنت وربعك
