فرضيات كويتية

هناك من يهتم بنظرية الإفتراض واليوم آنا بطيحله إفتراضيات وبنشوف شنو يصير بس قبل لحد يشرشحني ترى آنا قلت إفتراضيات فأرجو من الأخوان المطفق والأخوات المطفوقات إنهم ينتبهون لنظرية الإفتراض

لنفرض أننا قسمنا الكويت ثلاثة أقسام الأول نعطي المناطق الخارجية للبدو والثانية للشيعة بس الرميثية وبنيد القار وباقي المناطق للحضر ويمكن تصادفنا مشكلة النفط راح يصير تحت اخوانا البدو واخوانا الشيعة راح يتحكمون بالسمك لأنهم سيسيطرون على الساحل واخوانا الحضر راح يسيطرون على التجارة والبورصة بس مادري احس نظريتي هذي ماتمشي بجرب غيرها

لنفرض تقسيمة الاعلام راح نعطي نسوي قرعة عشان محد يزعل ونوزع القنوات الفضائية والصحف وخدمات الرسائل القصيرة ويمكن تطلع القنوات للبدو والصحف للحضر وخدمات الرسائل للشيعة طبعا بوصادق ماراح يقصر

حتى الاكل فلنفرض اللحم للبدو والسمك للحضر والدياي للشيعة ويمكن تطلع لنا مشكلة الطماطم مادري راح تصير من نصيب منو ولا أقولكم نخليها لكوهين الكويت لأن عنده قدرة بالتصرف بالطماطم ويمكن تصلح للتحذف ويحذفون فيها كل الشرائح

حتى ساحة الارادة نقسمها يوم للبدو ويوم للحضر ويوم للشيعة بس راح تزيد عندنا ايام مايخالف نمشيها لعمانوئيل الغريب وغيره ونخصص يوم واحد بس للأحزاب والتكتلات مثل حزب الامة وثوابت الامة وثوابت الشيعة والقوى ام الأرقام يمكن تصير مذبحة بينهم ونفتك من شرهم للأبد ونخلي عواشه الرشيد المشرفة على تنظيمهم

هذي بعض الفرضيات ويمكن عندكم فرضيات أفضل لاتبخلون علينا