نعم لإزالة كتير أشياء

بقلم - كويتي لبناني

من صغرتي بحب التراكتورات وعنا في لبنان بنشوفها كتير ومن شان هيك صارت عندي خبره بالتراكتورات وفي وقت فراغي بحب ألعب التراكتورات وبحب أبني فندق عالبحر مخالف ومن غير ترخيص بزيلوه ولما أشوف مخفر بجزيرة متل صخرة الروشة وحولوه لفندق بزيلوه ولما بشوف مزرعة أو شاليه أو قسيمة صناعية بزيلها على طول.

وكبرت هوايتي معي اسم الله عليها واشتغلت بالإزالة السياسية وصرت بحب إزالة أي نائب أزعر بالتراكتور ولما بشوف وزير يبيع الأحلام بزيلوه ولما أشوف حكومة تتخبط و من غير خطة عمل وبتمشي متل الأعمى بالضيعة بزيلها ولما أشوف وزيرين ومرة أخو وزير إلهون 3 قسائم صناعية بزيلهون ولما أشوف شخص مؤتمن على استسمارات بلدوه ويقبض كومشن من شان يمنح قروض بزيلوه.

لما تلتفتون حواليكون بتشوفوا كتير أشياء بدها إزالة وزراء ونواب وقسائم ومزارع وفنادق ومشاريع و B.O.T وB.B.O.T وصحف وكتاب يعني كل شي بيحسب عليه تعدي بنزيلوه أملاك دولة ولا مال عام ولا............. دخيل الله مابدي اكمل لأن عندي عندي أسرة ومابدي يزيلوني من شانهون.

حتى المدونة الليبرالية بدي أزيلها لأنها راح تزيلني....