ندوة نفيش وبرد وشعر بنات
وسط هذه الأجواء الملبدة بالغيوم السياسية فكرت في عمل مشروع تجاري مربح ولن أخفيه على حبايبي ولمن يريد مشاركتي حاضر بس أرجع للكويت بعد إسبوعين
فكرت في إنشاء تجمعات سياسية ترى مو تجمع واحد لا تجمعات واحد مخصص للسنة والشيعة وهايف والقلاف والثاني حق التجار محمود حيدر وربعه والثالث حق إلي عندهم طفوح دستوري وبسوي تجمع وندوة صج ونسيت البدون وراح أييب عمال واحد يبيع برد والثاني نفيش ماني قايل فشار والثالت ذرة طبعا الخرفان وايد وراح نبيع إكسسوارات على البنات عليها صور مهند ومادري منو إلي يحبونه هاليومين صدقوني مشروع وايد ناجح وخاصة لما نييب الفالي ولا العريفي راح يزيدون الزبائن
بعدين راح نطمر ونييب شباب سوبر ستار ونسوي حفلة ونخليها سمردحة ونعزم رد واين وهينيكن
بعدين نييب السستاني ونحط خيمتنا عند دوار الرميثية بعدين نروح لبنيد القار ونييب العريفي ونروح للمناطق الخارجية وكل مانكثر نفيش وبرد راح تزيد فلوسنا
ونمسك ياهل وياه حصالته ونطقه كلبتشات ونقول صدناه حرامي المال العام ونتصل بالتكتل الشعبي ونسوي ندوة
رجاء إلي عنده فكرة لا يبخل علينا ترى بوظف التجارة بالسياسة أحسن وايد من البورصة لابارك الله فيها
هناك ٩ تعليقات:
خخخخخخخخخخخخخخخ ما شاء الله عليك وايد
وايد خفيف طينة ! اقول جمع ربعك الليبرال الى باعوا الديره بتراب احسن لك واسئلهم عن سبب مواقفهم الى تفشل في الفتره الاخيرة
ثوب اطول منك لا تلبسة وين حرية الراي وين رايي ما نزلته حرياتكم على الطل
يازتلي السالفة وانت الصاج ابرك من البورصة والبرووي الي صاير فيها :)
الا اقولك وين قاب/غائب هالمرة ؟!
غير معرف
الصبر زين وايد مستعيل نزلت تعليقك على راسي حبيب ترى الكل باع الديره الليبراليين والاسلاميين والكويتيين ومن داخل السور ومن خارج السور ولاتزعل أؤيد كلامك
rai
وفي ظل الازمة المالية راح نوسع تجارتنا بالعدس والباجا عشان يختمون الندوات بالسيمفونيات
مشكور على سؤالك برد للكويت بعد اسبوعين
انا افضل الدخول لندوة السستاني والعريفي نخليها بفلوس 100 فلس ونقول ضريبة من الدولة تروح للبلدية والنص بالنص
:)
عنصر وطني
خوش فكرة بس لخليتها بمية فلس محد يدخل ارفع السعر خلها 5 دنانير ونقولهم فيها لقطات إباحية تلقى مصبنة الكويت مشطبين على التذاكر
ههههههههههااااى
مصبنة , شأخبارى هالكلمة , ليلحين يستخدمونها
البوست يونس
في نفيش نفس مال السينما
P:
حياتي هدف
فيه بس القديم كله ملح ينشف الريج ويتفخ البراطم مو نفس نفيش هاليومين يحطون عليه عسل:)
إرسال تعليق