مرشح الميك أب وكوابيس الرسائل

ميك أب للمرشحين

لامانع من وضع عدسات لاصقة بألوان جذابه للناخبين لأن الناخبين الكويتيين مثل الجم يضربون على كل شيء

ولا مانع من وضع وردي شفاه وتحديد السكسوكة والشوارب وتضبط السبعة ووو

المرشح السليمي تهقون لما ينجح شنو راح يسوي

راح يطالب الحكومة الكويتية بوضع الميك أب لخطة العمل

ويطالب النواب بوضع الميك أب لإستجواباتهم

ويتبنى قضية عمليات التجميل والبراطم أسوة بشيماء

صج مالت على امكم من مرشحين

كوابيس أس أم أس

صرت أسكر تلفوني من كثر المسجات

برلماني بعد ما اشتراها محمود حيدر اختربت وصارت حجي محولات

وبوراشد الوطن تلميع للمستغلين وزلغ وايرات للوطنيين

وكونا تدز مسج وبعدين تدز وراها رسالتين تصحيح

والشاهد تقول استهدف شريحتك ياحليلهم قاعدين بحداق ولا بقنص

كتل سياسية

مادري شفيهم الكتل السلف وحدس والتحالف والشيعة

مرشحينهم يقولون احنا مو منهم بس مدعومين شلووووون مادري

صحفيين جريدة العفن

ياحليلهم طايحيله مدح وياخذون المقسوم

البحريني محمد السلمان والسعودي احمد الشمري والكويتي أسامة القطري

صج إنكم زبالة وصلت فيكم تتصلون على المرشحين وتعرضون خدماتكم

نبيها راحة

بما انني خارج الكويت الحبيبة وتوقيتنا يختلف عنكم بدستة ساعات

توصلني مسجات

أطرف مسج من صديق أحبه وايد يقول

ليبرالي اليوم افتتاح مقر عمتك و مرشحتك رولا دشتي وعند السفارة اليابانية ويقولون السفير الياباني يدعمها

حبيب يابو.. لازم ترفع ضغطي

بس لو تدعمها كل كواكب المجموعة الشمسية وتخوض الانتخابات بروحها بالدائرة هم راح تبط على راسها

من شفت تصريحها تقول لما كنت بالجامعة كنت رئيسة الصبايا غسلت إيدي

لو تخوض انتخابات المتن ولا الكسليك وايد أبرك

وناسة

مادري ليش من أركب الطيارة وأفارج وطني حبيبي وطني الغالي أستانس وايد

ولما أرد لديرتي وأهلي وناسي بعد غربة تمتد أحيانا لشهور طويلة

تصك فيني الدنيا ويضيق خلقي تقول عندي عزاء