٢٠٠٩/٠٢/٠٤

الأزمة المالية في الكويت

أكد خبير اقتصادي يبيع آش بفرع جمعيتنا أن الفراغ لايشمل الضباط فقط بل امتدت الازمة المالية بظلالها لتشمل قطاعات البنوك أيضا فالبنوك بالكويت فلست وصاروا يطرون عن المساجد وزينة إلي صارت تجمع وتجمع صار فيها صرفيه وتطلع دخان أزرق وصارت تصرف وتصرف
وأضاف الخبير الاقتصادي ان المحفظة المليارية عبارة عن بوقة لفلوسكم وفلوس عيال عيالكم لابوهم التجار لابوتجارتهم وديروا بالكم السالفة ترى أكبر من جذيه وراح تصير أكبر بوقة بتاريخ الكويت فيا أيها الشعب الكويتي الذي تعلم على الجهاد إحملوا الأسلحة وحاربوا الحرامية الذين تزايد عددهم وعلى كل راس حرامي راح يدفعلكم ليبرالي مية فلس أخاف أكمل وأخربها
وختم الخبير بياع الآش أن الموظفات في البنوك ماعندهم شغل والفلوس ماميش ومن كثر فراغتهم صاروا يرقصون ويهزون مثل الجمل شعار أحد البنوك ترى ماقلت البنك الوطني لحد يبلشني وأعزائي المصبنة عذروني ماراح أقولكم بأي فرع أدري فيكم ثاني يوم كلكم بتفتحون حسابات ومشاخط لفرع البنك والستر زين


هناك ٣ تعليقات:

rai يقول...

البنت طلقها ريلها والستر زين على قولتك هههههه

الصراحة مصادرك قوية :)
====
التجار العبوها لعبة علينا وقزرت الصراحه وشربت مروقها مثل مايقولون ومحد ضايع بالطوشة الا المواطنين المساكين الي من فير الله يبلحقون على طقت الكرت عشان لا ينخصم من معاشهم خو ندري عشر دنانير تفرق وياهم المساكين وغيرهم يصدر قوانين بالمليارات والثانين يبوقون مليارات بعد .

ليبرالي يقول...

rai
ذكرتني بالشيخ صالح النهام قدس الله سره عندما سألته فتاة عن حلمها قال راح تتطلقين ردت ياشيخ آنا مو متزوجة قالها إن شاء الله لما تتزوجين راح تتطلقين إنت شدراك إنها متزوجة:)

وتدري فين احب الستر ماقلت إسمها.. ودي اقوله بس إلي منعني ماسووا شيء غلط يعبرون عن شعورهم من ضيقة الخلق

___

السالفة أكبر من التجار والمواطنين

rai يقول...

السالفة أكبر من التجار والمواطنين
=======

سيدس اريدك تنورني شنو السالفة الي اكبر من التجار والمواطنين ;)

======

قوية سالفة النهام ضحكتني :))