2008/10/10

متلازمة داون البراك والصبيح الجزء الثاني





البراك: ماما نورية نورية هيييه بروح تايلند وناسة بركب طراد وبروح للسوق إلي بالنهر وبسوي أشياء وايد وايد


نورية: عليوي دير بالك تغرق ترى مافيه طراد يناسب طولك لأن راسك راح يحك بسقف السوق




البراك: ماما نورية بس يقولون هناك فيه جنوس وايد أخاف واحد منهم يسويلي مساج ويعاديني بعدين يقولون وزير الصحة فيه مرض بعدين يستجوبوني ترى كافي الأمراض إلي أتستر عليج فيهم وأمراض الكبد الوبائي والسالمونيلا فضحونا ديره نيوز

نورية: ماعليك علاوي جذب جذب لما يصدقونك شوف آنا جذبت وقلت ماراح أدور ودورت وقلت أؤيد عطلة رمضان وخليت اليهال يداومون وناسه لما أعذبهم بالمدارس ويسبوني آخذ من حسناتهم نسيت شبقول عليوي دير بالك من جنوس تايلند إذا كلش بتسوي مساج خل باص مواصلات يروح ويرد على ظهرك طريج خادم الحرمين







البراك: ماما نورية يقولون عندهم بوفيهات حلوه وايد تبين أييبلج أدري ملوع جبدج حسن جوهر بييبلج من بوفيه مشوياتهم ترى يشوونها باربكيو حلوه هييه ماما نوريه

نورية: عليوي ويعه يالهيس لاتييبلي سديت نفسي زيادة مشوياتهم حشرات وثانيا منو إلي مسرب للصحافه واولها ديره نيوز إنك بتصير وزير التربية القادم لايكون بتورثني وآنا حيه ترى أطلع لساني وألدغك لأني محترفة لدغ





وينتشر سمي فيك وتموت مثل ما موت قبلك طبطوب الأثول وجاسم العمر بس إنت عليوي راح تموت بعد ثلاث ايام لانك طنطنل وعلى ماينتشر السم بجسمك يبيلك أيام

البراك : لا لا لا ماما نورية ترى آنا صرت أخاف وايد إنت صايره تخرعين ليش ماتستقيلين لأن شكلج رايحه ورا الشمس ماما ولاتنسين إلي قالج ماراح تصعدين المنصة تصرفي وإلا .... يتقطع لساني وما أقولهاش ماما أنا عاوز أعيط.

نورية : بس بس ماراح ألدغك عليوي بس دير بالك تصير وزير التربية عبالك الإسلاميين راح يخلونك نسيت إنك يساري تاريخك أسود وكنت الناطق الرسمي بإسم جمعية الخريجين وحتى لو اطلع من الوزارة عندي بيض وايد وجواسيس يفتنون ويزلغون وايرات ولو أقولهم بوسوا جوتيي يبوسونه

مثل بوزياد بس لاتقولين آنا مسخرته لأنه أصلا تمسخر من زوجته ياته بالدوام ويقولون مسحت فيه القاع وقالت ما أبي حريم هنيه ولا موظفه وثاني يوم طردهم وياب موظفين رياييل وعشان جذيه وعشان جذيه آنا أسميه كلبي بوزياد يحليله يقلقس وايد عندي لا وبصير دكتور من جامعة العالم بسنة ورسوم 200 دولار وبصدقها كلبي بوزياد وكيفي.
البراك بينه وبين نفسه: ولي هذي صارت شرسة لاتقلب علي ولايكون عبالها حاط عيني على وزارة التربية وصج ليش ما احط عيني على التربية فيها حفلات وايد وآنا احب الحفلات وتخصصي أنشطة طول عمري وابتلشت بالصحة ما اعرف شيء المراكز وخلصت الافتتاحات والعسماوي ما أقدر عليه وراه محمود حيدر يارب يطيرها جوهر ويحطوني بمكان عيوز النار يارب يارب يارب تحطني مكان ماما نورية.

نورية : عليوي يالهيس لايكون تفكر بمكاني ترى أرد بسرداب الوزارة تنحاش من الباب الخلفي عشان محد يشوفك تذكر ولانسيت

البراك : العين ماتعلى على الحاجب ماما نورية آنا أحبج وما أخالف أوامرج وإلي تبينه أسويه لو تقولين أطق وزير أو نائب حاضر أغسل شراعة

نوريه : عبالي بعد بس شوفلي موضوع ديره نيوز

ترقبوا الجزء الثالث.....

ملاحظة مازلت أكرر قصة متلازمة داون البراك والصبيح للأطفال فقط أدري وايد فيهم بلاغة شف شسوي بعد

هناك 7 تعليقات:

alsaronah يقول...

لاتعلييييك لوووول


اقول وللي يسلمك غير الاغنية الي حاطها مليقة الي قبلها احلا ..

وثاني شي سنع وزارتك احسن لك .. :p

ليبرالي يقول...

شكرا على عبارات الإحباط لا ويقولون الكويتيات حيل يجاملون

alsaronah يقول...

لوووووول كلها اغنية خو ...

والله كلامك قوي ... الله يعين اذا مسكوك باجر مو يمسكوني وياك ترى انا بس علقت ماقلت شي لوووول ...

لو عطوا واحد منصب وزير بالكويت ومشا سيدة أول شي والناس صفقت له اهني يعيش الدور ويقوم يقحص على باله الناس راح تظل تصفق له ... مسخرة والله الي قاعد يصير

الـبـيـرق يقول...

بـديـاكـن تـحـطـوا بـمـدونـاتـكـن أغـانـي الـخـتـيـار وديـع الـصـافـي

كـلـه مـن كـويـتـي لـبـنـانـي عـادانـي لا بـارج الله فـيـه :d

مـحـد راح يـحـاسـب وزارة الـصـحـة دام الـشـيـعـي الـخـلـيـفـة أسـتـقـال .. و بـأسـتـقـالـتـه أبـردت دودة الأخـوان و الـسـلـف

:)

ليبرالي يقول...

البيرق

يطولي عمرك لاتنق عدوى كويتي لبناني هنيه مدونته إنطر عليها ماراح تطول راح يحجبونها

وماراح اغير الاغنية آنا غيرتها وبنفس اليوم ماافتكيت من السارونة شوف شلون حبطتني بتعليقها شخطتنا

خل هالأغنية دام شياطنيها طاخه وساكته الظاهر أعجبتها

الـبـيـرق يقول...

لا لا مـا يـجـوز .. حـجـب مـدونـة كـويـتـي لـبـنـانـي يـعـنـي نـهـايـة الـغـنـيـم :d

الـسـكـوت مـن عـلامـات الـرضـا

حـط أغـنـيـة الـحـنـطـور .. لأن مـدونـتـك يـاخـي تـحـنـطـر :p

alsaronah يقول...

لوووول اي هذي الموسيقى احلا .. تريح اعصابي التلفانة :p