يوم رزيت ويهي وتفشلت

من مذكراتي( كلش ماصارلها جم يوم)

رحت للسوق واشتريت عدة التزلج على الجليد
زلاجات وبدلة خوش بدلة ولا جاكيت مرعوب بالاقدار
وقلت بروح أتزلج يمكن نحصل وحده مثل روز وتحبني ولا جاك الاجلح الاملح بشنو أحسن منك ياليبرالي
يخسى إلا زوار مدونتي وحبايبي

جان أروح لجبل الجليد إلي ماتشوف فيه إلا المحترفين يصكون على العوازم بخط الوفرة ومشاخط والثلج يطير مثل السرايات بالكويت
كلش تشبيهاتي مو شيء ثلج وسرايه شلون مادري
المهم قعدت ربع ساعة اتلفت لايكون فيه احد من ربعنا اهل الكويت موجود ويروح يفضحنا بالدواوين ويقول ليبرالي شفته يتزلج بالجليد
ويهدر دمي محمد هايف وربعه
أشوه ماكو احد كلهم شقر وعيونهم زرق ومافيهم خوال من القطعه السوداء بمنطقة كيفان
صج على طاري التزلج ما اعرف اتزلج شسوي وعمري ماتزلجت
بس دام اشتريت هالملابس وهالعدة لا بتزلج وإلي فيها فيها
جان اغرس العصي بالجليد ودزيت نفسي بقوة
وقلبت وقلبت وشفت ريلي مرت جدام عيني وشيء انغرس بظهري وحسيت بدوخة
حق الشماته ياليبرالي وحسيت بإنقطاع الأوكسجين
وآنا قاعد اتقلب طرت علي روز قلت يمكن تطلعلي بالغلط
ولا لاروز ولا حصه
ورحت للطبيب ولف ريلي ورديت للبيت
ومازلت قاعد بسبب أريك

00000
أعزائي زوار مدونتي الكرام أعتذر عن تغيبي وقريبا سأصل الكويت وسأتواصل معكم