٢٠٠٧/١٠/٢٤

العيش الكويتي في مواجهة النووي الايراني

طمأن وكيل وزارة التجارة والصناعة رشيد الطبطبائي اليوم المستهلكين من مواطنين ومقيمين بان مخزون الارز المتوفر حاليا في البلاد يكفي ستة اشهر في حين يتوقع وصول كميات اخرى تكفي لشهرين اضافيين قريبا.وقال الطبطبائي ان الوزارة اخذت بعين الاعتبار زيادة المخزون الاستراتيجي للدولة عبر خطتها لمواجهة اي امر طارئ قد تتعرض له البلاد لاقدر الله مؤكدا ان لاشي يدعو للقلق
التعليق على قصة
انطلقت صافرات الإنذار تدوي بانطلاق صواريخ نووية ايرانية تجاه الكويت
ويخرج عليكم المقدم عادل الحشاش وهو يضع أحمر الشفاه ليقول لكم خطوات الدفاع المدني
سيدتي ربة المنزل اتجهي رأسا للمطبخ مع سيلانياتج والخدم
واغسلي جدر العيش بعد تنظيفه
واتركي الجدر يغلي لما يطبخ العيش
والرغبات حسب الاختيار سواء كان برياني ام مجبوس
وعندما ينفجر صاروخ نووي بقربك انجبي الغداء وضربي بالخمس مع أفراد عائلتك
ويحذر الخبراء العسكريين من الحكوكه فإنها تتفاعل مع النووي
ونحن نحذر بدورنا تجار العيش من استغلال الفرص
_____________________
الله بلانا بثلاثة قواطي 1 طبطوب التربية الذي ولى لغير رجعة
2 طبطوب المجلس المتخلف والمختل عقليا
3 وطبطوب التجاره أبو العيش
عندي اقتراح راح يريح الكويتيين
نجمع هالثلاثة ونوديهم للابعاد وعلى أقرب طياره متجهه لمدينة طبطب الايرانية
هالاقتراح وايد أبرك من اقتراح العيش
شكر خاص للزميل النهر الخالد الذي نبهني ورفع ضغطي على خبر العيش

هناك ١١ تعليقًا:

بروفسور حمادو يقول...

يعيش العيّاش حسين بن صامت

:)

http://www.youtube.com/watch?v=wJgyfsR9l1U

بروفسور حمادو يقول...

هاك خبر ثاني

النائب الخرينج يشيد بنتائج اللقاءات مع المسؤولين الالمان


http://www.kuna.net.kw/NewsAgenciesPublicSite/ArticleDetails.aspx?id=1851552&Language=ar

التعليق : ألمان و يتفاهمون

:)

ليبرالي يقول...

والله يابروفسور حمادو لو ينجعمون وايد أبرك والله فشلونا يعني الله لايقوله لو أمريكا بتضرب ايران ساعتها منو عديم الاحساس إلي مشتهي ياكل عيش صج وكيل غبي والمشكلة ان الأغبياء يديرون البلد

بروفسور حمادو يقول...

آنا يا خوي يا ليبرالي العادة أعلق بالفصحى ، لكن هالمرة من ورا القهر اللي أشوفه بردّك أبي أقلبها ويّاك بالعامي

آنا معاك إن اللي يديرون البلد و خل نوضحها أكثر عشان لا ننوخذ بذاك الراي القيادات في المناصب التنفيذية أغبيا ، لكن منو اللي حطهم ؟ من رايي آنا خمال الناس

صحيح عندنا مشكلة بالسلطة التنفيذية ، لكن أيضا لو السلطة التشريعية ناس محترمين عينهم عالبلد مو مصالحهم جان هذا مو حالنا ، لأن أغلب الوكلا من أمثال حبيبنا أبو العيش ينحطون عشان يرضون النواب و اللي وراهم، و النتيجة لا تصريحات مثل أوادم لا تبن

ألحين ماني محاتي النووي لسبب بسيط ، الأمريكان دام داشين بالسالفة و
جيشهم موجود رح يعطونك خطة طوارئ مثل ما صار أيام حرب العراق ، والا لو رادّه على ربعنا حتى ما يعرفون يخلون مستشفى محترق

الوضع المأساوي اللي احنا فيه هو نتيجة تراكمات سنين ، و ما ينحل بين يوم و ليلة إلا لو عندك خاتم سليمان ، ماليزيا يوم طورها د. مهاتير محمد ما تحلطم ولا خلاها تمشي "فإنها مأمورة" ، لكن حط خطة حق 20 سنة ، و احنا خل نقول أول خطوة خل تكون الإصلاح التشريعي

خمة حكومة الأسطبل من الحين قاعدين يتكتون الانتخابات الياية ، و مقسمين الشعب قبايل و طوايف بكيفهم من ورا جهاز الأمن الوطني ، الوطنيين ما لهم دور؟

آنا باخلي الدواير ال 3 الأولى على صوب ، الرابعة و الخامسة مرتبينها 20 قبلي بيطلع منهم ، و يا ريت وطنيين ، مصالح و اسلام سياسي ، هالكارثة شلون نوقفها؟

أمنيتي أشوف 20 وطني صح بالمجلس من الدواير الخمس من كل دايرة 4 و مابي أكون طماع ، بس نقدر؟

آنا يوم قلت لك تابع بحملة نبيها طز ، كل همي أشوف منهو نظيف يبقى ، عشان نعرف بالدليل و البرهان منهو رفيجنا و منهو خرطي

و اليوم أقول لك نبي حملة يديدة نسميها نبيهم يوصلون ، منها يوصلون 20 وطني المجلس الياي ، عندك أسامي حق الدواير الخمس؟

هدك من العيش يالغالي و انا معاك مجابلك ، تبيها صبّاحي صبّاحي تبيها عصاري عصاري ، المهم نوصل حل قبل لاالخراب يعم و نشوف نفسنا انا وياك لاجئين في كوبا

و عساك عالقوة...

ليبرالي يقول...

بروفسور حمادو سعيد بتواصلك ترى الفصحى مثل واحد متربع ولابس غترة وعقال ومايقدر يتلفت لكن العامية مثل الي لابس مكسر ومنسدح

التنفيذية والتشريعية ماأردى من المربوط الا المفتلت ماعلينا من التنفيذية علينا من التشريعية منو الي يابهم مو كل واحد وراه طائفته وقبيلته وحركته وفلوسه الوطني مايعيش بهالبلد ولايلقى مكان خاصة بعد ماصارت ديرة ام احمد العجافه وحملة نبيها طز وقفت بصراحه شيلمهن وايد القائمه طويله

بروفسور حمادو يقول...

العزيز جداً ليبرالي

هم رح أظل معاك لين تسمي لي 20 وطني من الدواير الخمس للمجلس الياي

بس الحين أبي منك تعليق على هالرسالة اللي متنقصها لك مخصوص

http://www.alseyassah.com/alseyassah/new/news_details.asp?nid=20592&snapt=الأولى

تحياتي..

ليبرالي يقول...

بروفسور حمادو

أرجو انك ماتتفاءل وايد بالدوائر الخمس عشان تكون الصدمة عليك خفيفه لاني اظن الفداويه ونفس الويوه راح يردون

وبخصوص الرسالة ترى محد ودر الشيخ فهد غير بن شرار وواسطاته للنواب واعتقد انه انسان خلوق لكنه حورب من قبل بعض الشيوخ مع انه اهداهم اسطبلات وجواخير لكن هالهدايا زادت الطين بله

بروفسور حمادو يقول...

إذا استمر الوضع على ما هو عليه فبالتأكيد ستعود نفس الوجوه إن لم تكن "أردى" و هذا الكلام نفسه كنت قد صرحت به للحلم الجميل في وقت سابق ،

لكن ، على قدر أهل العزم تأتي العزائم ، و التوفيج من الله

:)
دام السالفة فيها اسطبلات عيل موفق الريّال

تحياتي..

kuwaitya_7saweya يقول...

الحين رشيد الطبطبائي من صجه
يعني صواريخ نوويه وعيش
مو وقته
الواحد حزتها يالله يلحق على عمره
حمدلله والشكر الينون فنون

اي شفت شعار الحمله اللي انته عضو فيها وبغيت انضم معاكم شلون الطريقه
لوووووول
شعارهم اظلم ليش
وانشالله اول ماانضم للحمله
اول شي بسويه بغيير الشعار بخليه شي فرايحي
يصب في مصلحة الاعضاء
لووووووول

ليبرالي يقول...

كويتية حساوية من الحين زهبي الجدر والعيش تحسبا لأي حرب محتملة


ومن ناحية الشعار سألي الحلم الجميل عن تصاميمي

سعيد بمرورك

kuwaitya_7saweya يقول...

اي كل شي جاهز على اهبة الاستعداد
لوووووووووووووووووول

:)